Éditeur : F. Lagueny, a Limogei (1897)
Iô vau souven dî un site acounpli
Per en odmira lo richesso ;
Lî saï ûron, moun coeur n'en ei renpli :
Co me ropèlomo jônesso !
Loû prâ lî soun cuber de brôva flour,
L'ozeu lî chanto so romanço
Per me gori de ma paubrà doulour
Iô vene prei de lo Brianço !
Per me gori de ma paubrà doulour
Iô vene prei de lo Brianço !
Lou jauno gen, brâ dessû, brâ dessoû,
Rajaunissen so permenado
Vau-t-un peichâ, l'ei pleno de peiçoû ;
D'obor un n'o gu no peilado
Quan no filio o perdu soun oman,
Lo lî vai pleno de counfianço :
O soun retour lo n'o un pû charman
Que l'o trouba ver lo Brianço !
O soun retour lo n'o un pû charman
Que l'o trouba ver lo Brianço !
Lou reibeinei lî chanto dî l'iver
So bravo chansou motinieiro ;
O mei de mai un li veu lou piver
Peichâ ô bor de lo rivieiro.
Penden l'eiti, cent ôzeu diferen,
Toû quî de notro bèlo Franço,
Fan dô ocor, bâtissen, domouren
O prei de lour charo Brianço
Fan dô ocor, bâtissen, domouren
O prei de lour charo Brianço
Sur soun parcour un trobo Chalûsse,
Châteu-for dô ten qu'un trenblavo
Tou n'en parlen ; pertan degu ne se
Qui èro queu que l'obitavo.
Quoique eiboulia, un lou veu sur n'ôtour
Sur no mountagno grando, immenço
Qu'èro lou ni de cauque fièr vôtour
Quiemavo lo douço Brianço
Qu'èro lou ni de cauque fièr vôtour
Quiemavo lo douço Brianço
Soû vilageî soun, mo fe, bien plozen :
Poun-Rounpu, Soulegna, lou Vigo ;
Lou obitan en pau tro medisen,
Co loû deigrado, co m'oflijo !
Or queu defau, î sirian plô ûroû :
De boun po, de bouno pitanço,
Câ lou clima iô mèno sobouroû
Daû doû coutâ de lo Brianço !
Câ lou clima iô mèno sobouroû
Daû doû coutâ de lo Brianço !
Quante le Mor vendro per me querî
Beleu sirai dî l'Angletèro ;
Ma li dirai ; Laisso me nâ murî
Di queu couen chari de lo tèro.
Qui m'en îrai dî mo simplicita,
Dî tou lou fe de mo croyanço :
Counservorai deicho ô bou mo gueita
Si mère prei de la Brianço
Counservorai deicho ô bou mo gueita
Si mère prei de la Brianço